მიმდინარეობს ვებგვერდის განახლება
სიახლე
„სტუდენტური სერვისების გზამკვლევის“ პრეზენტაცია განხორციელდა
2025 წლის 22 მარტს გაიმართა გასვლითი სამუშაო შეხვედრა, რომლის ფარგლებშიც ბათუმის სამედიცინო აკადემიის „სტუდენტური სერვისების გზამკვლევის“ პრეზენტაცია განხორციელდა.
სახელმძღვანელოს შემუშავება შესაძლებელი გახდა ამერიკელი ხალხის მხარდაჭერით, აშშ-ის საელჩოს თბილისში დახმარებით, ბათუმის სამედიცინო აკადემიის მიერ მოპოვებული პროექტის „პროფესიული სტუდენტების კარიერული განვითარებისა და დასაქმების ხელშეწყობა აჭარის რეგიონში“ ფარგლებში.
გზამკვლევის პროექტი წარადგინა მისი ავტორმა, ლია ფუტკარაძემ (SAORSA-ს აღმასრულებელი დირექტორი). სახელმძღვანელოში გაერთიანებულია პრაქტიკული ინფორმაცია და სასარგებლო რჩევები, რომლებიც სტუდენტებს დაეხმარება კარიერული განვითარებისა და დასაქმების პროცესში.
შეხვედრას ესწრებოდნენ აკადემიის ადმინისტრაციის წარმომადგენლები, პროფესიული მასწავლებლები და სტუდენტები. მონაწილეებმა მიიღეს ინფორმაცია სამუშაო გარემოს, დასაქმების პირობებისა და კარიერული განვითარების შესაძლებლობების შესახებ.
შეხვედრა წარიმართა ინტერაქტიულ რეჟიმში, სადაც სტუდენტებს ჰქონდათ შესაძლებლობა, დაესვათ შეკითხვები და მიეღოთ დეტალური ინფორმაცია აკადემიის დირექტორისა და ავტორისგან.
